ഉപ്പും മുളകും എന്ന പരമ്പരയിലൂടെ ആരാധകരെ നേടിയെടുത്ത നടിയാണ് ജൂഹി രുസതഗി. പരമ്പരയില്‍ നിന്ന് പിന്‍മാറിയ താരത്തിന്‌റ തിരിച്ചുവരവ് ആരാധകര്‍ ഏറെ ആഗ്രഹിക്കുന്ന കാര്യമാണ്. ഉപ്പുംമുളകും പരമ്പരയിലെ ലച്ചു എന്ന കഥാപാത്രത്തെയാണ് താരം അവതരിപ്പിക്കുന്നത്. പരമ്പരയിലെ ലച്ചുവിന്റെ വിവാഹത്തിന്റെ എപ്പിസോഡിന് ശേഷമാണ് നടി പിന്‍മാറിയത്.
പഠനംമുന്നോട്ട് കൊണ്ടുപോകണമെന്നും അതിനാലാണ് ഈ പിന്‍മാറ്റം എന്നും താരം അറിയിച്ചിരുന്നു. പിന്നീട് മോഡലായ രോവിനൊത്തുള്ള പ്രണയവും വെളിപ്പെടുത്തി. ചില സ്വകാര്യ മാധ്യമങ്ങള്‍ താരത്തിന്റെ അഭിമുഖം എടുത്തിരുന്നു. രോവിനൊത്തുള്ള വിവാഹത്തിന്റെ കാര്യവും താരം പറഞ്ഞിരുന്നു. പരമ്പരയില്‍ നിന്ന് മാറിയ ശേഷം ഒരു യുട്യുബ് ചാനലും നടി ആരംഭിച്ചിരുന്നു. പക്ഷെ അതും അധികനാള്‍ നീണ്ടുനിന്നില്ല. ചാനലില്‍ രോവിനും ഒപ്പമുണ്ടായിരുന്നു.
ഇപ്പോഴിതാ സാരിയിലുള്ള താരത്തിന്റെ പുതിയ ചിത്രമാണ് പുറത്ത് വരുന്നത് ലച്ചുവിനെ പോലെയുണ്ടെന്നാണ് ആരാധകര്‍ ചിത്രം കണ്ട് കമന്റുകള്‍ നല്‍കുന്നത്.സമോര ഹോട്ടലില്‍ വച്ചാണ് ഫോട്ടോഷൂട്ട് നടത്തിയിരിക്കുന്നത്. അടുത്തിടെയായി താരം ഫോട്ടോഷൂട്ടുകള്‍ സോഷ്യല്‍മീഡിയയിലൂടെ പങ്കുവയ്ക്കാറുണ്ട്. കോവിഡ് കാലത്ത് സോഷ്യല്മീഡിയയില് നിന്ന് 3 മാസത്തോളെ വിട്ടു നിന്നിരുന്നു. രോവിനൊത്ത് ബ്രേക്ക് ആയോ എന്നും ആരാധകര്‍ ചോദിച്ചിരുന്നു. പിന്നീട് താരം വീണ്ടും സോഷ്യല്മീഡിയയില് സജീവമാകുകയായിരുന്നു. രോവിനൊത്തുള്ള താരത്തിന്റെ ഫോട്ടോഷൂട്ടും ഏറെ ശ്രദ്ധനേടിയ ഒന്നായിരുന്നു. ഇരുവരുമൊത്തുള്ള ചിത്രം പുറത്ത് വിട്ട ശേഷമാണ് തങ്ങള്‍ പ്രണയത്തിലാണെന്ന് താരങ്ങള്‍ അറിയിച്ചത്.