ലോകസുന്ദരി ഐശ്വര്യ റായിയുടെ തനിപ്പകർപ്പ് എന്ന് സോഷ്യൽമീഡിയ പറയുന്ന താരമാണ് തൊടുപുഴയിലുള്ള അമൃത. ടിക്ടോക് അക്കൗണ്ടിലെ വീഡിയോസിലൂടെയാണ് അമൃതയെ ആളുകൾ അറിഞ്ഞു തുടങ്ങിയത്. അമൃതയുടെ സുഹുത്തുക്കളും ബന്ധുക്കളുമാണ് ആദ്യം ഈ സാമ്യതയെക്കുറിച്ച് പറഞ്ഞത് പിന്നാലെ വീഡിയോസ് വൈറലായതോടെ സോഷ്യൽമീഡിയയും ഇക്കാര്യം ശരിവെച്ചു. ഇപ്പോൾ ഐശ്വര്യയുടെ കാർബൻ കോപ്പി, സിറോക്ക്‌സ് എന്നിങ്ങനെ നിരവധി പേരുകൾ ഇപ്പോൾ അമൃതയ്ക്കുണ്ട്. ഫെയ്മസായതോടെ ചില സിനിമകളിലേക്കും അമൃതക്ക് ക്ഷണം ലഭിച്ചിട്ടുണ്ട്.
അമൃത സജുവിന്റെ പുത്തൻ ഫോട്ടോഷൂട്ടുകൾ എപ്പോളും വൈറലാകാറുണ്ട്. ഇപ്പോൾ സുഹൃത്തുമൊത്തുള്ള അമൃത സജുവിന്റെ പുത്തൻ ഫോട്ടോഷൂട്ട് ഏറെ ശ്രദ്ധേയമാണ്. ഒരു സ്വിമ്മിംഗ് പൂളിൽ വച്ചുള്ള ഫോട്ടോഷൂട്ട് ദൃശ്യങ്ങളാണ് അമൃത സോഷ്യൽ മീഡിയയിൽ പങ്കു വച്ചിരിക്കുന്നത്. അമൃത പിക്കാസോ എന്നൊരു സിനിമയിൽ നായികയായും അഭിനയിച്ചിരുന്നു.
ഐശ്വര്യ റോയ് അഭിനയിച്ച കണ്ടുകൊണ്ടെൻ എന്ന ചിത്രത്തിലെ ഒരു രംഗം വീഡിയോയിൽ അമൃത പുനരാവിഷ്‌കരിച്ചിരുന്നു. ആ വീഡിയോ ആയിരുന്നു അമൃതയെ വൈറൽ ആക്കിയത്. ഒറ്റനോട്ടത്തിൽ രൂപത്തിലും, ഭാവത്തിലും ഐശ്വര്യ റായി തന്നെയാണ് എന്നായിരുന്നു ഭൂരിഭാഗം ആളുകളുടേയും കമന്റ്. ഇക്കാര്യത്തിൽ ഭൂരിഭാഗം ആളുകളും സീരിയസായ അഭിപ്രായം പറഞ്ഞതോടെയാണ് പിന്നീട് ഫോട്ടോ ഷൂട്ടുകളും, അഭിമുഖങ്ങളും ഒക്കെയായി സോഷ്യൽ മീഡിയയിൽ അമൃത തിരക്കിലായത്.
