ലോക്സഭാ തെരഞ്ഞെടുപ്പ് ഫലം പുറത്തുവന്നതും നടി നിമിഷ സജയൻ വാർത്തകളിൽ ഇടംപിടിച്ചിരുന്നു. തെരഞ്ഞെടുപ്പുമായി ബന്ധമില്ലെങ്കിലും, നാല് വർഷങ്ങൾക്ക് മുൻപ് നിമിഷ പറഞ്ഞ ചില വാക്കുകൾ വീണ്ടും പലയിടങ്ങളിൽ നിന്നും പൊന്തിവന്നു. പിന്നെ നിലയ്ക്കാത്ത സൈബർ സ്‌പെയ്‌സ് ആക്രമണമായിരുന്നു നിമിഷയ്ക്ക് നേരെ ഉണ്ടായത്.
ചെറിയ സംഭവങ്ങളിൽ പോലും മാനസിക വിഷമവും സമ്മർദവും അനുഭവിക്കുന്നവരാണ് നമ്മിൽ ഏറെയും. എന്തെങ്കിലും ചെറിയ അധിക്ഷേപം ഉണ്ടാകുമ്പോൾ തന്നെ മനസ് മടുത്ത് പോകുന്നവരാണ് അധികവും. ഇത് നമ്മെ ആക്രമിക്കുന്നവർക്ക് വലിയ സന്തോഷവും നൽകാറുണ്ട്. എങ്കിൽ അതിഭയങ്കരമായ അധിക്ഷേപങ്ങൾ നേരിടുമ്പോഴും ജീവിതം കൂൾ ആയി കൈകാര്യം ചെയ്ത് അത്തരക്കാർക്ക് തകർപ്പൻ മറുപടി കൊടുക്കയാണ് നിമിഷ സജയൻ
‘തൃശൂർ ചോദിച്ചിട്ട് കൊടുത്തില്ല, ആ നമ്മളോടാണ് ഇന്ത്യ ചോദിക്കുന്നത്. നമ്മൾ കൊടുക്കുവോ? കൊടുക്കൂല്ല’ എന്നായിരുന്നു അന്ന് നിമിഷ ഒരു പൊതുപരിപാടിയിൽ പ്രസംഗിച്ചത്. സുരേഷ് ഗോപി തൃശൂർ എം.പിയായി തെരഞ്ഞെടുക്കപ്പെട്ടതും, നിമിഷയുടെ സോഷ്യൽ മീഡിയ പോസ്റ്റുകളുടെ കമന്റ്റ് ബോക്സ് ട്രോളുകൾ കൊണ്ട് നിറഞ്ഞു. എന്നാലും നിമിഷ കൂൾ ആയി ഇരിക്കുകയാണ്
പുറത്തെന്തു നടന്നാലും, അതൊന്നും വകവെക്കാൻ നിൽക്കാതെ നിമിഷ നേരെ മൂന്നാറിലേക്ക് വണ്ടികയറി. ഇവിടെ വെള്ളച്ചാട്ടത്തിന്റെ നടുവിൽ ഇങ്ങനെ തണുപ്പിൽ നീരാടുന്ന ചിത്രങ്ങളുമായി താരം ഇൻസ്റ്റഗ്രാമിൽ എത്തിച്ചേർന്നു. ട്രോൾ ആക്രമണം ഉണ്ടായതും നിമിഷ അവരുടെ പോസ്റ്റുകളുടെ കമന്റ്റ് ബോക്സ് പരിമിതപ്പെടുത്തി.