അന്താരാഷ്ട്ര യോഗാ ദിനത്തില്‍ നടി ലിസി പങ്കുവച്ച യോഗാഭ്യാസ വീഡിയോ വൈറലാകുന്നു ചെയ്യാന്‍ അത്ര എളുപ്പമല്ലാത്ത യോഗ പോസുകളുടെ ചിത്രങ്ങളാണ് ലിസ പങ്കുവച്ചത്. “സുപ്രഭാതം പ്രിയരേ!! യോഗ സ്വയം മെച്ചപ്പെടുത്തലല്ല, സ്വയം അംഗീകരിക്കലാണ്..”, എന്ന ക്യാപ്ഷനോടെയാണ് ലിസി വീഡിയോ പോസ്റ്റ് ചെയ്തത്.
തലയും കഴുത്തും കുത്തി കാലുകൾ ഉയർത്തി നിൽക്കുന്ന വീഡിയോയാണ് ലിസി പോസ്റ്റ് ചെയ്തത്. അമ്പത്തിയേഴാം വയസിലും ഞെട്ടിക്കുന്ന മെയ്‌വഴക്കമാണ് താരത്തിന് എന്നാണ് ആരാധകരുടെ പക്ഷം.
തമിഴ്നാട്ടിൽ ചെന്നൈയില്‍ താമസിക്കുന്ന ലിസി എണ്‍പതുകളിലെ സൂപ്പര്‍ നായികയായിരുന്നു. മോഹന്‍ലാല്‍, മമ്മൂട്ടി തുടങ്ങി മലയാളത്തിലെ സൂപ്പര്‍ താരങ്ങളുടെ ഒപ്പം അഭിനയിച്ച ലിസി തമിഴ്, തെലുങ്കു ഭാഷകളിലും അഭിനയിച്ചിട്ടുണ്ട്. സംവിധായകന്‍ പ്രിയദര്‍ശനെ വിവഹാം കഴിച്ചതിന് ശേഷമാണ് ലിസി സിനിമയില്‍ നിന്നും മാറി നിന്നത്. ഏതാനും വര്‍ഷം മുമ്പാണ് ഇവര്‍ വിവാഹമോചിതരായത്. ഇവരുടെ മക്കളായ കല്യാണിയും സിദ്ധാര്‍ഥും ഇപ്പോള്‍ സിനിമാ രംഗത്ത് സജീവമാണ്.
View this post on Instagram